„Дишам, но не можам да вдишам воздух. Шоп почина вчера“ напишал на Фејсбук сопственикот на Шоп во четврток, Џон Унгер...



Шоп бил 20-годишно куче кое боледува од артритис, а Џон секојдневно го водел на езерото Супериор за да му ги ублажи болките. Се надевал дека пливањето ќе му помогне да успее да отспие, бидејќи болките не му давале да спие, што било од помош. Шоп заспувал во рацете на Џон во средината на езерото. Нивните фотографии објавени на Фејсбук го „освоија“ светот, а приказната за нивното пријателство трогна многумина, пишува канадскиот Хафингтон пост.

Август минатата година, фотографката Хана Стоунхаус Хадсон, кој е воедно пријателка на Џон, го овековечи моментот што го обиколи светот, а „човекот и неговото куче“ станале ѕвезди на Интернет. „Имав пет минути да фотографирам и го сликав ова - човекот и неговото куче. Џон го сакаше многу Шоп, а кучето толку му верувало што му заспало во рацете во средината на езерото. Ова е спонтана фотографија“, изјавила фотографката за Хафингтон пост.



Откако фотографиите го обиколиле светот, од цел свет почнале да пристигнуваат донации за Шоп. Луѓето сакале да му ги овозможат најдобрите третмани на ветеринар, за лекови и ласерски третмани. Така Џон можел да ужива во друштвото на Шоп за уште една година.

Веста за смртта на Шоп повторно ги допре срцата на луѓето низ целиот свет. На Фејсбук страницата на Џон оставаат пораки за поддршка и сочувство.