Проектот вреден 3 милијарди долари би требало да биде готов до 2012 година...
Претседателот и основач на Galactic Suite Space Resort, Хавиер Клармонт, вели дека една ноќ во хотелот со поглед кон Земјата ќе чини 1 милион долари. "Туристите ќе доаѓаат во хотелот со сите потребни работи, како да престојуваат во најпустото место на Земјата", вели Хавиер.
За таа сума, гостите ќе можат да го видат зајдисонцето 15 пати на ден, бидејќи хотелот ќе се врти околу Земјата на секои неколку часа. Иако цените се астрономски, сопственикот на идниот вселенски хотел тврди дека тие ќе паднат во рок од 15 години, но и понатаму ќе биде многу висока, бидејќи цената не го обезбедува патот до вселената.
Превозот ќе го обезбеди истата компанија, а заминувањето ќе биде организирано на Карибите. Критичарите веќе го прогласија деното на отварањето на хотелот како нереален.
"Мислам дека тоа нема да биде готово до 2012 година, освен ако не најдат некој со неверојатно длабок џеб и некој кој сака да фрла пари на тој начин. Тоа едноставно звучи преамбициозно. Мислам дека ќе дојдеме еднаш до тоа, но не наскоро. Дури и ако се случи во предвидениот рок, тоа уште долги години нема да биде достапно за луѓето кои не се богати и славни", рекол Brett Snyder, сопственик на страницата cranckyflier.com.
