За време на градежните работи во Бризбејн, Австралија, биле пронајдени фосили на крокодили и други животни, чија старост според прелиминарните проценки е околу 50 милиони години, изјави за медиумите градоначалникот на градот Греам Кирк...

Откритието е направено на длабочина од околу 15 метри во реонот на железничката станицата Џибенг.

"Коските се идентификувани како остатоци од праисториски крокодили, но има и фосили од риби, слатководни школки и растенија", дополнува Кирк. Повикани се геолози за да ги оценат фосилите, идентификувани од страна на директорката на музејот на Квинсленд Сузан Милер како неверојатно откритие.

"Многу малку места, датирани во овој период од Земјината историја, се достапни за научна работа во областа на Бризбејн по ред причини, главно поради конструкцијата на теренот одозгора". Благодарение на градежните работи е отворено вистинско богатство, што претходно не беше познато за палеонтолозите. Министерот за транспорт на Квинсленд Скот Емерсон го утврди откритието како "исклучително откритие во дворот на Бризбејн".

Во Квинсленд се наоѓаат едни од најбогатите наоѓалишта на праисториските фосили. Односно во западните региони на државата околу Винтон во 2009 година беа откриени остатоци од три до тогаш непознати вида диносауруси.