Од кликината за славни, Cedars-Sinai Medical Center, отпуштени се 5 вработени и еден студент кој таму работел како асистент на истражување, поради "копање" по приватните информации за пациентите, и тоа веднаш откако Ким Кардашијан го роди своето прво дете...

Одбиле да го идентификуваат лицето по чии документи било "пребарувано", но гласноговничката на клиниката појаснила дека за престапот биле брзо известени и дека тој се случувал во периодот меѓу 18 и 24 јуни. Ким своето девојче го роди на 15 јуни.

Тројца лекари се оптужени дека на своите подредени им овозможиле пристап до доверливи документи, додека при тоа петте отпуштени работници бркале во податоците на една личност, а шест од нив дури на 14 лица.

На сите нив засекогаш ќе им биде забранет пристапот до податоците за пациентите, дури и ако со тек на време се вработат во некоја друга медицинска установа.