Сакате да осмислите незаборавен летен план, но буџетот ви е ограничен? Стручњаците велат дека лушето на годишниот одмор трошат пари на сосема бесмислени работи па затоа ви предлагаме однапред да го осмислите вашиот финансиски план и да заштедите на работи кои всушност не ви требаат. Еве неколку совети...

1.Немојте секој оброк да јадете надвор
На одмор често трошиме многу пари на храна, и тоа не поради чувството на глад туку поради чиста лакомост. Во ресторан јадете секој ден (или еднаш дневно ако немате апартман во кој можете да готвите), а грицкалките, хамбургерите, палачинките и вафлите сведете ги на минимум. Осмислете план за оброк и намриниците набавете ги во продавница. Ќе заштедите пари, а и ќе изгледате подобро во своето бикини.

2.Заштедете и на патување
Најудобно е да седнете во авион или сопствениот автомобил и мирно да си патувате на море, но немојте да заборавите на парите кои одат како ветер. Патувајте со воз или искористете ги попустите на автобуските карти, а ако сакате да одите со сопствен превоз, најдете уште неколку луѓе кои одат на исто место и поделете ги трошоците.

3.Ви требаат ли навистина толку списанија?
Жените за време на одмор често купуваат куп списанија кои ги прелистуваат само 2-3 пати. Вестите и озборувањата во списанијата можете да ги прочитате и додека уживате на кафе, а за време то помината на плажа понесете книга.

4.Алкохол
Луѓето на одмор често немилосрдно трошат на алкохол, но и овде најчесто станува збор за лакомост. Шарените коктели изгледаат прекрасно, но не мора да ги пиете секој ден. Подобро купете си шише вино или нешто жестоко во што уживате, а секако избегнувајте да купувате алкохол на бензинските помпи каде е и најскап.