Официјално се наоѓаме во периодот на нашата најдрага посластица. Ви претставуваме едноставен рецепт како да си направите вкусен сладолед дома...

Потребни производи:
2 дл. слатка павлака
2 дл. млеко
4 јајца
6 лажици шеќер
2 ќесички ванилин шеќер
2 ќесички прашок за шлаг

Подготовка:
Јајцата изматете ги заедно со шеќерот и ванилиниот шеќер, се додека не добиете пенеста смеса. Прашакот за шлаг додајте го во млекот, измешајте и додајте ја смесата со јајца. Потоа изматете ја слатката павлака и додајте ја во смесата.

Останатото го оставаме на вашата имагинација - дали тоа ќе биде сладолед со рендано чоколадо, искршени бисквити, овошје...Важно е да го оставите од прилика три часа во замрзнувач, пред да го послужите на вашите сакани. Уживајте!