Секое женско пријателство е посебно на свој начин. Но, секое од нив мора да помине низ три исти фази. Се прашувате кои...

1.Прво заљубување
Велат дека сите први љубови секогаш се памтат, но често се помнат и пријателствата. Дали ви е познато чувството кога вашата најдобра другарка почнува секој слободен момент да го минува со новото момче, речиси и да не се гледате, телефонските повици стануваат се поретки, на пораките веќе не ни одговара, излегувањата стануваат непознати? Некои пријателства поради тоа за жал прекинуваат. Но, важно е да се најде граница. Момчињата доаѓаат и си одат, другарките сепак остануваат, зарем не?

2.Прво раскинување
Што подразбира трчањето во било кое време од денот кон пријателката на која и е скршено срцето, отворање на фолдер со сите стари сезони од некоја женска серија и секојдневно анализирање на секоја негова постапка. И тоа може многу да оди на нерви, како и она првото, но секоја девојка кога ќе се "согласи" на женско пријателство, неофицијално се обврзува дека ќе слуша за таквите работи, колку и да е потребно.

3.Прва кавга
И тоа мислиме на онаа прва голема кавга, кога ни самите не би знаеле што да правите. Се лутите, си недостасувате. Ќе земете да и пратите порака, но сепак ќе се откажете. Би ја повикале да споделите нешто супер со неа, но зошто таа прва не се јави? Тогаш тоа малку ќе потрае, но на крај се ќе се реши како ништо да не било, иако секогаш постои таа непријатност кога треба да се најдете прв пат после некое недоразбирање. Мора да признаете дека машко-женските кавги се сепак поедноставни.