Ако некогаш се прашувавте како ќе изгледа да ја миете косата во универзумот, некои од одговорите ги понуди американската астронаутка Карен Најберг, која во моментов живее и работи на Меѓународната вселенска станица (ISS)...



Таа направи кратко видео каде покажува како се мие косата. Со оглед на тоа што се наоѓа во бестежинска состојба, постапката не е баш едноставна.

На пример, топлата вода не излегува од под туш, туку треба да се притисне кесичката и излезот од кесичката да се стави директно во главата, со што ќе внимавате да не се разлетаат капки низ целата ISS.

Најберг објасни дека, откако ќе и се исуши косата, влагата ја собира клима-системот на ISS, од кој целата вода оди во уред за рециклирање, кој „создава“ вода за пиење за астронаутите.