Жените полесно го надминуваат стресот, благодарение на хормонот естроген во нервниот нивниот систем, утврдија американските научници...

Чен Јан од Универзитетот во Бафало и нејзините колеги дојдоа до овој заклучок набљудувајќи го однесувањето на машки и женски стаорци, подложени на постојан стрес, и промените во работата на нивниот мозок. Кај женските било забележано помалку измена во биохемијата на мозокот.

Откако ја споредиле содржината на клетките и крвните садови, открија дека во нивниот мозок има зголемено ниво на естроген - женски полов хормон. Научниците дошле до идејата дека оваа супстанца може да ги "вклучува" механизмите за заштита во невроните, така што штитат од стрес.

Истражувачите ја провериле својата хипотеза, блокирајќи ја работата на естрогените рецептори. Како резултат на тоа женските почнале да доживуваат стрес на ист начин како и машките. Потоа им инјектирале естроген во крвта на машките и резултатот бил дека станале помалку чувствителни на стресот.

"Ако сме во можност да создадеме супстанции кои дејствуваат како естроген, но без да предизвикуваат проблеми со хормоните, тие би можеле да се користат за решавање на проблемите со стресот кај мажите", вели Јан.