Исланд е прекрасна земја со вулкански пејсаж, качен помеѓу Атлантикот и Арктичкиот Океан. Само 40 минути возење од Рејкјавик се наоѓа една од главните атракции во земјата - Сината Лагуна...

Се зборува дека водите тука лекуваат секакви кожни заболувања од псоријаза до егзема. Луѓето патуваат со стотици километри за да се потопат во топлите води. Своето име го должи на уникатната боја на водата, која е мешавина од морска и слатка вода - 2/3 морска и 1/3 слатка - исклучително ретки комбинација. Дното и ѕидовите на лагуната се покриени со 60 илјади парчиња лава, што ја прави да изгледа природна креација на природата.

Во 1976 година лагуната се јавува како дел од проектот на исландски служба за регионално греење. Изградена на тоа место, на кое постои и денес, се користи геотермалната вода кој извира од 2000 метри длабочина и со температура до 240 степени, за производство на електрична енергија. Потоа, разладена до 37-39 степени, водата се исфрла во лагуната. Со години овие вештачки создадени базени со топла вода остануваат неискористени. Но постепено локалните жители почнуваат да се капат во овој "отпаден базен" и го почувствувале лековитото влијание на водата врз човечката кожа. Во 1987г. тука се отвориле вратите на првиот спа центар во Исланд.

Температурата на водата е околу 37-39 степени. Таа доаѓа од блиската геотермална станица при што се загрева и заменува на секои 5 дена. Секоја година тука има околу 400 000 посетители. Пливањето тука е уникатно, бидејќи воздухот е ладен, а водата топла во текот на целата година. Иако има многу туристи лагуната е доволно голема за да најдете пусто место. Тука можат да ви направат ми асажа додека сте на половина потопен во водите на лагуната. Има и приватни сепарета - соби во близина на лагуната, во кои може да се одморате непречено. Тоа сепак не е евтино - една соба чини 300 евра. Соба сепак има приватен влез во лагуната. И бања, каде што може да се избањате и пресоблечете.