Италијанскиот геолог Луиџи Пикарди тврди дека чудовиштето од Лох Нес не е ништо друго освен меурчиња, кои се резултат од сеизмичка активност, пишува Huffington Post...



Легендарно чудовиште или само безопасна геолошка активност? Ова прашање уште еднаш се најде во центарот на вниманието кај научници. На „површина исплива“ уште една интересна теорија за популарното чудовиште од езерото Лох Нес, по име Неси.

Неси „се појави“ прв пат во XI век, а легендата вели дека се појавувала секој пат кога имало земјотреси под едно од најголемите езера во Велика Британија. Сепак, теоријата на Пикарди наиде на критики од многу фанови на Неси, особено Гери Кембел, претседателот на клубот на обожаватели на чудовиштето од Лох Нес.

„Голем број луѓе што го виделе Неси тврдат дека му ја виделе главата и вратот или грбот. Ако го земеме сето ова во предвид, повеќето укажувања се уште не можат да се објаснат. Во езерото дефинитивно се наоѓа нешто физички опипливо“, вели Кембел.