Сите ги обожаваат своите мајки и баби, но понекогаш би сакале за нив да постои опцијата "mute". Мислиме на ситуации во кои изговараат фрази кои се навистина досадни и иритирачки...
1."Во наше време тоа не беше така."
Но повторно стасаа да направат се што ние правиме денес, само во други околности. И секогаш имаат да споделат по некој совет на било која тема.
2."На твои години јас веќе имав маж и деца!"
Но, времињата се менуваат!
3."Размислуваш ли ти некогаш да се омажиш!?"
Ако кажеш да, ќе следуваат куп прашања. Ако кажеш не, прво ќе ги шокираш, а потоа повторно еден куп прашања. Топла препорака - свртете ги очите. Можеби ќе сфатат.
4."Зошто не си како брат/сестра ти?"
Многу веројатно затоа што светот не би поднел двајца такви. Проблем - решен.
5."Помалата на Марина веќе заврши факултет."
И сега запишува уште еден. И со тоа веројатно има супер сериозен дечко, живее со него, знае се да готви, има работа од соништата, никогаш нема да земе кредит, децата ќе ја слушаат за се...Сфаќате во која насока одиме? Мајките и бабите очигледно не!
