Кој не сака да се освежи со вкусен сладолед во овие топли денови. Еве еден предлог за нешто домашно и вкусно...

Потребни производи:
750 гр. слатка павлака
80 гр. шеќер (се користи само ако кремот не е засладен)
2 ванилици
150 гр. малини
100 гр. бисквити, искршени на ситни парчиња

За декорација:
100 гр. павлака
малку свежи малини
1 лажиче какао

Начин на приготвување:
Павлака се мати, се додаваат ванилиците, бисквитите, малините и внимателно се промешува. Смесата се става во сад со зафатнина 1,5 литри се покрива со капак или фолија и се замрзнува во замрзнувач не помалку од 4 часа. Пред сервирањето садот потопете го за кратко во топла вода и сладоледот веднаш ќе падне во садот за сервирање. Украсете со шлаг крем, свежи мални и посипете со какао во прав. Уживајте!