Рибарот Хенри Либман од Сиетл, САД, фати во водите на Тихиот Океан гигантски морски костур, кој може да биде со старост од 200 години...

Големината на рибата надминува еден метар, а нејзината тежина достигнала 17,5 кг.

Либман раскажа дека неверојатната случка се случила во близина на брегот на Алјаска. Кога рибата била на 175 метри длабочина.

Порано за најголем претставник на овој вид во водите на Тихиот Океан се сметаше 83-сантиметарски примерок.

Според претставници на Националната управа за океани и атмосферски истражувања, возраста на таков костур е не помалку од 175 години. "Должината на рибата, фатена од Либман, е 104 сантиметри, а тоа значи дека може да се покаже како најстариот жител на Пацификот", соопштија експерти. При тоа стручњаците истакнаа дека во најскоро време ќе има експертиза. По неа Либман може да се кандидира да биде запишан во Гинисовата книга на рекорди.

Морскиот Костур (Sebastes aleutianus) е во топ 10-те морски суштества кои живеат најдолго.

Обично живее на длабочина 170 - 670 метри под водата во Тихиот Океан. Оваа риба расте многу бавно, созрева сексуално многу подоцна, може да достигне возраст од околу 200 години.

Најстариот пронајден примерок некогаш имал 205 години.