Во Портланд во американската држава Орегон е отворен првото кафуле, каде што може да се конзумира марихуана, но само за медицински цели...
"Kanabis Cafe" е името на првото кафуле кое им овозможува на пациентите со дозвола за уживање во марихуаната во него слободно да го конзумираат овој тип на дрога, и покрај федералната забрана. Законите во Орегон забрануваат продажба на марихуана, но им дозволуваат на пациентите таа дрога да ја конзумираат, само не јавно. Во таа држава се регистрирани 21.000 пациенти кои во марихуаната можат да уживаат поради медицински цели.
Лекарите ја прапишуваат марихуаната за многу болести, вклучувајќи ја Алцхајмеровата болест, дијабетис, мултиплек склероза и Туретов синдром. "Нашите фанови доаѓаат за сервирање на храна и марихуана.
Се надеваме дека овде ќе се одржуваат состаноци, семинари и ќе основаат канабис колеџ со цел да се помогне на луѓето да научат за одгледувањето и корисноста на марихуаната", рекол вработен во кафулето.
Членовите плаќаат 25 долари на месец за користење на кафулето, кое може да прими до 100 гости. Тие не ја купуваат марихуаната, туку ја добиваат бесплатно од келнерот.
Во Kanabis Cafe служат и храна, но немаат дозвола за точење на алкохол. На денот на отварањето, новинарите биле повикани да го почувствуваат мирисот на марихуаната кој се ширел низ кафулето, но не им било дозволено да ги видат луѓето како пушат марухуана.
