Тинејџерката Елиф Билгин од Турција, добила награда од „Научна Америка“, поради нејзиниот пронајдок: добивање на биопластика од кора од банана...



Поради пронајдокот кој ќе реши еден од најголемите проблеми на денешницата, 16-годишната Турчинка Билгин е прогласена за добитник на овогодинешната награда „Наука во акција“, во износ од 50.000 $, доделена од страна на „Научна Америка“.

Елиф го усовршувала две години добивањето на биопластика од кора од банана. Нејзината постапка може да се искористи за добивање на еколошка пластика лесно разградлива, независна од нафта и поповолна за животната средина, а се користи за изолација на кабли.

„Што се однесува до мене, ова значи дека мојот проект има потенцијал да стане големо решение за проблемот со загадувањето што го предизвика пластиката. Тоа исто така значи дека јас го започнав процесот на промена во светот, поради што веќе се чувствувам како победничка“, рекла Елиф.