Жените експериментираат со 100 различни стилови и 50 нијанси на косата за време на својот живот, покажува најновото истражување...

Меѓу 15 и 65 години претставничките на понежниот пол посетуваат фризерски салон приближно 250 пати. Главните причини да го менуваат стилот е здодевност од старата визија или желбата да се имитира некоја славна личност.

Една од најпосакуваните фризури е оваа на Викторија Бекам, која од своја страна ја потстрижува косата и ја бојадисува со нови бои доста често во последните 10 години.

Уште поголема потреба да посетат фризер жените доживуваат при важен настан во животот, или ако доживеале значаен пресврт како развод или раѓање.

Во истражувањето учествувале 2.000 жени, кои велат дека во текот на годината посетуваат стилист за фризурата во просек пет пати. Најмалку еднаш годишно тие избираат нова боја на косата, посочува уште истражувањето.