Швеѓанец беше уапсен за време на сопствената свадбена церемонија, откако се напи и ги истепа гостите...

Инцидентот со комичен пресврт се случил минатиот викенд во провинцијата Вермланд. Младоженецот кој претерал со алкохолот почнал да ги навредува гостите и станал агресивен, шамарејќи половина дузина сватови.

На крај тој си заминал од церемонијата, а невестата тргнала по него, обидувајќи се да го натера да остане. Пијаниот младоженец ја удрил силно, како резултат на што младата жена паднала и удрила лошо со главата.

Потоа невестата ја однеле во болница со сомневање за потрес на мозокот. Во тоа време младоженецот седнал во автомобилот, но малку пред да замине, пристигнале полицајците и го уапсиле.

Брачната ноќ младоженецот ја поминал во притвор на локалната полициска станица. Следното утро, веќе свеж како краставички, тој бил ослободен. Не се соопштува дали невестата му простила или не.