Мајката Ен Белангер од Канада ја сподели сликата со светот, за која вели дека и го „скрши срцето“...

Нејзиниот син, кој во моментов е второ одделение, на заедничката фотографија со класот е целосно одвоен од своите соученици.

„Едноставно не можам да сфатам како фотографот може да ја смета оваа фотографија за коректна“, рекла мајката, згрозена откако ја видела фотографијата со син и.

7-годишниот Мајлс Ембриџ на сликата седи во инвалидска количка, се смее и се наведнува кон лево.



„Отсечен е од целиот клас, а очајно сака да биде дел од општеството“, додава мајката за тажната слика.

На Мајлс му било дијагностицирано спинална мускулна атрофија кога имал само 13 месеци и тогаш лекарите предвиделе дека тој никогаш нема да биде во можност да оди.

Подоцна фотографијата била повлечена од компанијата Lifetouch. Менаџерот на компанијата Дин Кокран изјавил дека „ова ќе биде поучно искуство за фотографот“.