Пред нешто повеќе од месец дена, Невена Шајн од Сијетл одлучила да живее исклучиво од сончева светлост ( вода и чај со малку млеко)...

Во долгото писмо кое го објавила на својот блог, 65-годишната "обожавателка на сонцето" објаснила дека на овој експеримент се одлучила за да докаже дека таквиот живот е возможен.

Меѓутоа, после месец дена, се откажала поради, како што тврди таа, финансиски проблеми и негативните коментари на оние кои не се подготвени да ја прифатат "вистината".

Невена за 45-дена ослабела 15 килограми, имала непрекинати вртоглавици, чувствувала замор и после одредено време не можела да пие ниту течности поради постојаното повраќање.

Таа е припадничка на "бретаријанците" кои тврдат дека е доволно да имате малку храброст и упорност да ја совладате почетната криза и до крајот на животот да преживувате исклучиво од сончевата светлина и воздух.