Жените трошат над 13 000 фунти во текот на целиот свој живот за козметички производи, за да се чувствуваат подобро, покажува британско истражување. Тоа покажа дека факторите кои најмногу ја зголемуваат самодовербата, се бесплатни...

Комплимент од пријател или партнер е на прво место на листата со работите кои ги тераат жените да се чувствуваат добро. Малку потоа се редат идеалната коса и излегувањето добро на слика.

Насмевка од непознат, прегратка и признанието "Те сакам" исто така го тераат жените да се чувствуваат атрактивни и сигурни во себе. Научниците утврдиле дека 40% од девојките веднаш стануваат посигурни ако изгледаат добро на слика. Други 40% велат дека се чувствуваат прекрасно по непрекинат ноќен сон.

Истражувањето покажа уште дека 42% од девојките имаат поголема доверба, ако се со мазни нозе, а 33% се среќни ако им кажат дека изгледаат помлади. Иако 60% од жените следат строги диети, за да излегуваат од куќите посамоуверени, обична прегратка од дете, партнер, член на семејството или пријател тера 38% од девојките да се чувствуваат убаво.

Многу од анкетираните 2.000 жени признале дека идеалната фризура ги прави посигурни во себе, без разлика дали стануваат наутро со прекрасна коса или си направиле нова фризура или ја смениле бојата на косата. На 1/3 од жените им се допаѓа чувството кога ќе се вратат после одмор со прекрасен тен. Прашања каде купиле нешто или покана за средба исто така, им приложува доверба на претставничките на понежниот пол. Свежи нокти, тенки веѓи и носењето на облека, кои ги истакнуваат нивните најдобри карактеристики исто така го тераат жените да се чувствуваат неверојатни.

Лошиот ноќен сон е она што најмногу ја напаѓа довербата на жените. Будењето со лоша коса и кожа прави 40% од жените да се чувствуваат ужасно, а 38% се депресивни, ако некој им каже дека се пет или десет години постари од вистинските години. Пропуштањето на средба со пријатели, обраќањето "мамче" во канцеларијата и храната помеѓу забите исто така можат да ја урнат самодовербата на жените.