Salve Horhe барот во Сао Паоло презентира чаша пиво, која може да стои исправена само ако се постави на вашиот телефон...



Чашата е изработена со цел да не обраќате внимание на вашите „електронски пријатели“ и да му се посветите на уживањето во локалот.

Колку пати одите на пијачка со пријателите и колку време поминувате во пишување пораки и гледање во вашиот мобилен телефон, наместо да зборувате со вашите почитувани пријатели? Бразилски бар пронајде креативен начин да се справи со овој проблем, а решението го пронајде на дното на чашата.

Делот на дното од чашата е исечен, така што половината од чашата се потпира  на телефонот и им помага на луѓето да се препуштат во разговорот со пријателите, наместо да зјапаат во телефонскиот дисплеј. Суштината е следната: кога ќе сакаат да погледнат во нивниот мобилен, ако посегнат по него, пивото ќе се истури.

„Salve Horhe барот е сака да ги собере пријателите во среќно опкружување, околу добра храна и ладно пиво“, вели Флавио Синира, еден од сопствениците на барот.

„Оваа „офлајн чаша“ е покана за луѓето да дојдат во нашиот бар после напорен ден и да го исклучат нивниот „онлајн свет“, да разговараат со пријателите и да живеат во реалноста, барем за неколку часа“, додава другиот ко-сопственик на барот Вандер Романо.

Чашата е креирана од маркетиншката агенција „Fischer & Friends“. Од агенцијата тврдат дека формата и големината на чашата спречуваат течење на пивото брз телефонот, што секако би било штетно за неговата електрониката ако (не дај боже) се истури.

Овој пронајдок ветува дека ќе ги „спаси луѓето од онлајн светот“ и ќе ги поттикне да зборуваат лице во лице, наместо да бидат зависници од своите паметни телефони.