Момчето Адам Кирби има само 2,5 години, со коефициент на интелигенција  IQ - 141, кој е квалификуван да влезе во Менса...



Дин (33) и Кери-Ен Кирби (31) од Лондон, го тестирале својот син Адам кога имал само 2 години. Се испоставило дека неговиот IQ бил 141, а по прегледот и верификација од психологот Џоан Фримен, тој е поканет да се зачлени во Менса, пишува Telegraph.

Adam читал уште на 9 месечна возраст, знае да множи до 100, да брои до 1000 на англиски, до 20 на шпански и јапонски јазик. Кога имал само 1 година, ги разликувал државите според облик и решавал загатки за возрасни.

Освен тоа, сам научил да оди во тоалет, откако прочитал книга за одење во тоалет, велат неговите родители.

Г-ѓа Кирби му читала уште пред да се роди и му го рецитирала Шекспир кога имал само неколку месеци.

„Кога имаше само 9 месеци, сфативме дека е поинаков. Му ги покажувавме картичките со нилски коњ и носорог и можеше апсолутно се да идентификува на сликите“, изјавила мајката на Адам.

„Ние не го тераме на ништо. Тој сам сака предизвици. Многу брзо се уморува кога не чита или не решава комплексна загатка. Ќе биде тешко кога ќе тргне на училиште, бидејќи тоа нема да му биде доволно голем предизвик“, вели неговиот татко.