Дизајнерот од Копенхаген Филип Мејер го оствари својот сон, овозможувајќи им на слепите луѓе кои уживаат вл Брајово писмо, не само да "читаат" текстови, туку и да "гледаат" цртежи...

Тој измислил првиот стрип во историјата за слепи лица кој се вика "Живот". Тој раскажува една обична приказна за маж и жена кои се среќаваат и вљубуваат еден во друг, а потоа им се раѓа дете што расте, додека стареат и конечно умираат. "Со еден збор - тоа е животот", изјави најталентираниот уметник.

За слепите луѓе зборот "живот" се пренесува со сликата на круг. Мејер ја раскажал својата насликана историја со помош на конфигурации од кругови со различни големини на дебела хартија. Секоја сцена е одвоена со перфорација. Во својот потфат на Филип му помогнал професорот по читањето на слепи луѓе Микаел кој самиот не гледа.

"Никогаш нема да го заборавам денот кога Микаел го прочита перцептивниот стрип. Тој за прв пат тестираше средство за информации што досега не постоело. Тогаш сфатив дека можеме да раскажеме приказна без текст или звук - тоа се исполнува со живот, благодарение на имагинацијата на слепиот читател", изјави Филип Мејер.