Илјадници луѓе облечени во бело од глава до петици, се собраа во Париз синоќа, на овогодинешната Вечера во бело, која воедно ја одбележа и својата 25-та годишнина...

Луѓето кои се запишале за вечерата биле држени до последен миг во неизвесност каде точно ќе се одржи гигантската забава, но потоа биле известени преку пораки да се упатат или кон Трокадеро, или кон Лувр.

Наредените пикник маси со бели чаршафи, шишиња со вино и убава храна, така собраните уживале вечера во позадината на Ајфеловата кула и Лувр до полноќ.

Традицијата започната во 1988 година, кога група од десетина пријатели одлучиле дека сакаат да каснат на забрането место во француската престолнина. Но, на крајот кон нив се приклучија уште 200 луѓе во Жарден де Багател, омилено место на француските кралски семејства, вклучувајќи ја и Марија Антоанета.

Од тогаш настанот стекна глобални димензии, така што слични вечери се организираат и во други европски градови, вклучително и во Милано и Барселона, како и во десетици градови во САД, Канада, Сингапур и дури во Руанда и Брегот на Слоновата Коска.

Но париската верзија на настанот останува највпечатлива. Секоја година листата на гостите надминува 15 000 луѓе, а претходните вечери се организирале на познати места како Пон дез Ар, околината на Ајфеловата кула, Лувр и Версајскиот дворец.

Секој поканет на вечера треба да доведе пријател и да пристигне со градскиот транспорт. Гостите треба да носат маса за пикник, пикник кошница, прекривки за столици и покривка за маса, сите, се разбира, во бела боја. Мажите и жените седат еден спроти друг на масата, а гостите немаат право да седнат, додека не биде наредена целата серија со маси.

Ако бидете поканети, не се откажувајте во последен момент, ако не се појавите или не се согласувате со правилата на настанот, нема да бидете поканети повторно.