Мажите ги избираат нивните омилени фризура, само кога ќе стигнат до 32-годишна возраст, откако пред тоа се обиделе со пет различни фризури, покажа новото истражување...

Жените, пак, обично пробаат седум стила, пред да откријат еден кој сакаат да го задржат за подолго време. Меѓу ѕвездите, кои ја задржале фризурата по 32-годишна возраст, се рокери Мик Џегер (69), Дејвид Боуи (66) и Род Стјуарт (68).

Причините кои мажите ги посочуваат за придржување кон еден и ист стил, се движат од погодност (65%) до признанието дека и се допаѓаат на партнерката (10%). Актерите Рајан Гослинг, Џејк Гиленхал и пејачот Џастин Тимберлејк имаат 32 години и веројатно ќе ги задржат сегашната фризура во догледна иднина.

Истражувањето меѓу 2.000 лица, спроведено од брендот производи за коса Fudge, го забележало и влијанието што фризурите на познатите го имаат врз британските мажи и атрактивноста на фризурите, кои обично не се сметаат за модерни. 20% од испитаниците признале дека сакаат долга коса, за да копираат личности како Дејвид Бекам и Бредли Купер, а една четвртина сметаат дека фризурата на градоначалникот на Лондон Борис Џонсон е добра.

Други 17% веруваат бакенбардите на велосипедистот Бредли Вигинс се одлични, иако на 33-годишна возраст, тој ги избричи. Две третини од учесниците во анкетата изјавиле дека претпочитаат косата да им стане седа како онаа на Џорџ Клуни. 12% од претставниците на посилниот пол се дури и подготвени да ја обојат косата во сива, за да се во чекор со модните трендови. 6 проценти веќе го направиле тоа.