Британската манекенка Сузан Сангстер била оставена на денот на свадбата веќе четири пати и тоа од еден ист човек, но таа се уште верува дека петтиот пат ќе има среќа...

Подготовките за совршена летна свадба се веќе започнати. Сузан веќе ја избрала петтата венчаница и е подготвена за својот младоженец. Но дали овој пат тој ќе се појави?

Возбудата на невестата е на работ да експлодира, иако малку жените минуваат низ оваа подготовка веќе по петти пат. Нејзиниот младоженец е 24 години постар од неа, но таа е сигурна дека тој ќе биде нежен сопруг и грижлив татко на нејзиниот мал син Лука кој има од претходната врска.

Дури на четвртата пропадната свадба несериозниот младоженец рекол дека сè му дошло "премногу брзо и премногу наеднаш".

"Сепак, тој ми вели дека ме сака и еден ден ќе се ожени за мене", верува Сузан, за која се чини дека љубовта навистина е слепа.