Позната фитнес инструкторката и здравствена експертка во Холивуд Реинба Марс нуди тринеделен пречистителни режим на гостите, кој задолжително треба да го поминат, ако сакаат да присуствуваат на нејзината свадба...

"Гостите треба да изгледаат и да се чувствуваат добро на мојот голем ден", убедена е инструкторката, позната по своите ДВД видеа со јога. Поканетите ќе се подложат на веган тест, кој ќе утврди која храна брзо се разградува од нивниот организам. Во зависност од резултатите нејзините најблиски ќе имаат изграден индивидуален режим на исхрана, кој треба да го почитуваат, за да се исчистат.

Свадбата ќе се одржи на Хаваи и ќе трае три дена. Не помислувајте дека, сепак, цело време присутните ќе јадат и пијат. "Единствени активности", кои имаат подготвено младоженците за своите гости се дишни вежби, јога и јавање.

Според невестата овој здрав режим може да го зајакне имунолошкиот систем, да го заштити организмот од некои болести, да се ослободи телото од стресот и да се разубави изгледот.