68% од родителите во САД не ја отвораат темата за сексот со своите деца, признавајќи дека им е премногу непријатно да разговараат за слични работи со нив, покажува новото истражување на 2305 родители со најмалку едно дете над 12 години...

Според резултатите од него 47% од мајките и татковците веруваат дека училиштето треба да преземе целосна одговорност и да им објасни на нивните деца и тоа со термини од животинскиот свет. Пчеличките и птиците се најпопуларните животни и инсекти кои се користат за да се илустрира сексот на малите.

Срамот е причината за 44% од родителите да не го покренат ова прашање. 27% од нив ја избегнуваат темата поради верски убедувања, а 11% едноставно не мислат дека нивните деца треба да бидат сексуално образовани.

Сепак речиси половина од нив сметаат дека тоа е обврска на наставниците, а една петтина од татковците и мајките сметаат дека ќерките и синовите треба да се запознаат со интимните прашања од разговори со пријателите. Според 15% други членови на семејството како поголеми браќа и сестри треба да се извор на "знаење".