Поранешниот имот на Волт Дизни, што сега се нарекува Carolwood Estate, беше најавен за продажба по цена од 90 милиони долари, објави магазинот "Форбс"...

Според гласините богатата наследничка Тамара Еклстоун веќе е заинтересирана за импресивната палата и дури одвоила еден час, за да ја разгледа во друштво на Извршниот директор на Агенцијата за продажба на луксузни недвижности The Agency Маурисио Умански, кој е задолжен за продажба.

Последниот дом на Волт Дизни, кој се наоѓа во скапиот кварт Беверли Глен во Лос Анџелес, има осум спални и 17 бањи, кои се протегаат на три нивоа на површина од 3300 квадратни метри. Среќниот купувач, ќе може да ужива на импресивен број објекти, како винарска визба, величествен базен, кино сала, библиотека, сала за вежбање, тениско игралиште и мини голф.

Зградата што се наоѓа зад високи порти и ограда, е целосно скриена од соседите и располага со систем за безбедност, создадена од гуруто во областа на безбедноста на ѕвездите, Гевин де Бекер.