Гигантите на светскиот пазар за спортска облека и обувки "Најк" и "Адидас", најавија транзиција кон револуционерната технологија позната како 3D-печат за создавање на нови колекции фудбалски чевли и патики...

Британскиот весник "Фајненшл тајмс" објави дека двете компании ќе можат да прават врвни спортски чевли со невидена брзина во досегашната историја на светската индустрија.

Развиена во воздухопловната индустрија, технологијата 3D печатење дозволува да се прават предмети во пракса од било каков материјал врз основа на тродимензионален модел.

Денес има две основни технологии - ласерски и инк-џет, кои го создаваат објектот слој по слој. Од компаниите велат дека прво ќе почнат да ја користат технологијата на стапалата, кои се најважниот елемент од чевлите.

"Новата технологија ќе ни овозможи да го скратиме рокот на производството на прототипот од 4-6 недели до 1-2 дена", рече претставник на "Адидас", додавајќи дека ако пред тоа за таа работа биле потребни 12 лица, сега ќе бидат доволни двајца.