Ситуацијата во која не можете да ги закопчате вашите омилени фармерки не е нужно предизвикана од насобраните килограми или декаграми, туку надуваност. Доколку се приджувате кон овие неколку едноставни навики, тој проблем многу лесно ќе исчезне...

1.Јадете храна богата со калиум
Калиумот е минарел кој ја регулира течноста во вашето тело така што спречува насобирање на вода и надуваност. Храна богата со калиум која ќе ви помогне во такви ситуации се бананите, дињата, манго, спанаќ, домати, аспарагус и јаткасти плодови.

2.Затворајте ја устата
Не мислиме дека треба помалку да зборувате. Во овој случај станува збор за џвакање гума за џвакање, пиење течност преку цевка, пушење и разговор во текот на јадењето, затоа што на тој начин голтате повеќе воздух отколку што ви е потребно.

3.Никако скроб пред спиење
Храната богата со скроб како леб и тестенини исто така ја задржува водата во вашето тело. Токму затоа избегнувајте ги овие намирници во текот на попладневните и вечерните часови за наутро да не се разбудите надувани.

4.Кажете им збогум на газираните сокови
И меурчињата од газираните сокови можат да бидат причина за надуваност. Ако имате во план да скокнете во омилените фармерки, ден пред тоа никако немојте да пиете газирано, само обична вода и лимонада.

5.Засладувачите се полоши од шеќерот
вештачките засладувачи многу често тешко се варат што може да предизвика гасови и дијареа. Ако сте забележале дека така делуваат на вас, подобро користете кафеав или овошен шеќер.