Веќе е добро познато дека Фејсбук може да користи за многу работи, но дали знаете дека оваа друштвена мрежа може да внесе немир во вашата љубовна врска?...

Фејсбук и останатите друштвени мрежи, колку и да одговараат на вашиот друштвен живот, би можеле да бидат погубни за љубовните врски. Барем така покажа последното истражување спроведено над испитаници на возраст меѓу 18 и 82 години кое било објавено во списанието "Journal of Cyberpsychology, Behavior and Social Networking".

"Истражувањето покажа дека колку повеќе луѓе кои се во љубовна врска користат Фејсбук, толку повеќе ќе ја наѕиркаат активноста на партнерот на друштвената мрежа која може да доведе до љубомора, а љубомората предизвикана од Фејсбук може да доведе до кавга за бившите партнери со кои може да се поврзете на Фејсбук", рекол водичот на истражувањето др. Расел Клајтон и нагласил дека овие заклучоци се однесуваат само на оние врски кои траат помалку од 3 години.

Значи, иако Фејсбук е одличен комуникациски канал, би можел да ви ја уништи врската. Затоа авторите на оваа студија предлагаат друштвените мрежи да се користат со мерка, особено оние кои се во нова врска.