Изложеноста на светлина помага при регулирањето на сонот, го подобрува расположението и дури ја зголемува продуктивноста, покажа новото истражување...

Седењето до прозорецот во канцеларијата во сончев ден ја издојува будноста на луѓето во однос на оние кои се наоѓаат во средината на соба под вештачки светла, открија истражувачите. А за луѓето кои имаат проблеми со спиењето, 30-минутна прошетка на утринска сончева светлина може да е решението на проблемот, бидејќи тоа им помага за регулирање на биолошкиот часовник и обезбедува добар ноќен сон.

Ефектот е видлив кај постарите луѓе, кои ги покажуваат првите знаци на деменција. Истражувањето покажува дека изложувањето на обилна светлина во почетокот на денот го подобрува спиењето и изострува умот со 10%. Невролог од Универзитетот Оксфордм Расел Фостер изјави дека истражувањето ја поврзува светлината со производството на серотин, познат како хормонот на среќата, што објаснува зошто на повеќето луѓе им се допаѓа да се изложени на сонце.

Истражувачот додаде дека многу луѓе се лишени од светлина, така што нивото на светлина во домовите и работните места е несоодветна за регулирање на биолошкиот часовник или за одржување на максимална внимателност. Помалку од 5% од дневната светлина продира во просечната зграда, а енергичните светилки се "апсолутно катастрофа" поради отсуството на интензитет. Но во сончев ден луѓето кои седат во близина на прозорец, би имале корист од светлината, додека нивните колеги далеку од прозорецот ќе се чувствуваат со намалена енергија.

Сончев ден е еднаков на 100 000 лукса - мерката за мерење на осветленоста, додека осветлувањето во затворен простор обезбедува само 300 лукса. Проф Фостер вели дека просечниот човек има потреба од изложеност на 1000 лукса за максимална корист.