Повеќе вработени запираат со работа во 14:55 часот и проверуваат постови на социјалните мрежи, излегуваат за кафе или разговараат со колеги, покажува најновото истражување...

Точно во толку часот вниманието ни почнува да слабее, концентрацијата се намалува до граница, почнуваме да гледаме фотографии на Фејсбук или да зборуваме по телефон со пријателите.

До овој заклучок достигна тим на истражувачи, кој имал за цел да измери колку време од денот вработените се непродуктивни. Резултатите без никакво сомнение покажаа дека во 14:55 часот се работи најмалку.

"Мора да признаам дека кога часовникот чукне 15:00 почнувам да планирам што ќе правам вечер", признава еден од испитаниците. Друг објаснува дека најбрзо и квалитетно работи наутро, а проблемите почнуваат по паузата.

За да избегаат од мрзеливоста, работниците најчесто излегуваат за кафе и чоколадо, со кои се враќаат во форма.

Од друга страна најпродуктивното време е 10:26 часот наутро. Тогаш вработените најнапорно работат, брзо проверуваат и ги исполнуваат работните пораки и планираат задачи за преостанатиот ден.

Вториот продуктивен момент е 16:16 часот, кога вработените ги напуштаат своите канцеларии и се полнат од нов бран енергија. Сепак психички повеќето учесници во истражувањето велат дека престануваат да размислуваат за работа околу 18 минути пред да си заминат дома.