Американската компанија "Lollyphile" на пазарот лансираше лижавки со вкус на мајчиното млеко наменети за најмалите...

Компанијата, која е базирана во Тексас, собрала примероци од млекото на десетици жени. "Така се надеваме дека нашите лижавки максимално ќе се доближат до вкусот на мајчиното млеко", вели сопственикот на "Lollyphile", Џејсон Дарлинг.

"Истовремено гарантираме дека лижавките ни се секогаш вкусни - за разлика од мајчиното млеко на некои жени. Додека ги лижат, децата нема да плачат, разгневени од тоа дека мајчиното млеко не им се допаѓа на вкус".

"Инаку лижавките не содржат ниту капка млеко. Неговата употреба при производството би било крајно непрофитабилно - ќе имавме потреба од цела армија женски. Ниту пак има апсент во лижавките со вкус на апсент кои ги пуштивме неодамна".