Саудиски принц потрошил 15 милиони евра во Дизниленд за време на тридневниот престој, за кој резервира атракции и претстави за себе и своите шестдесетината гости...

Принц Фахд ал Сауд ги поминал во паркот деновите од 22 до 24 мај, соопштија запознаени извори. "Настанот беше со приватен карактер", организиран од Канцеларијата на Евро Дизни за специјални резервации, соопшти компанијата. За време на престојот принцот, кој го славел дипломирањето, "го приватизирал паркот, т.е. некои простори беа резервирани за него во текот на денот, како и наутро пред отворањето и вечерта, откри запознаен извор.

Принцот поканил вкупно околу 60 лица, пријатели и почитувачи на паркот. За нив беа организирани специјални изведби со "ретки личности" на Дизни. Друг извор изјави дека имало посебна служба за безбедност, за еден од најдобрите клиенти на паркот Дизни. Минатата година тој беше посетен од 16 милиони луѓе и дел од  прометот се реализираше токму преку вакви приватни посети.