Германците оставаат најмногу бакшиши, кога се на одмор...

Германците оставаат најмногу бакшиши, кога се на одмор, а Италијанците се стиснати туристи, покажа истражувањето на туристички сајт.

Анкетата, во која учествувале 9000 лица од осум земји, покажала дека 69% од германските туристи секогаш оставаат бакшиш кога патуваат, претекнувајќи ги Американците, за кои бакшишите се дел од културата на нивните услуги. Само 57% од анкетираните американски туристи сепак изјавиле дека оставаат бакшиш при патувањето.

Трето се Русите со 53%, следени од Бразилците со 40%, Французите и Британците со 39%, Шпанците со 36% и Италијанците со 23%.

Американските туристи изјавиле дека љубезната, пријателска и одговорна услуга во рестораните и хотелите е главната причина да остават бакшиш. За да се запознаат со различните култури за давање бакшиш, мнозинството Американци се советувале со водичите (73%) или читање мислења на интернет (48%) и во онлајн форуми (46%).