Започнување на професионална кариера се одразува негативно на фигурата на вработените, а некои од главните причини за тоа се стресот и напнатоста, покажа американско истражување...

40% од испитаниците во анкетата односно 3600 вработени Американци изјавиле дека се здебелиле многу откако почнале да работат. Најдрастично зголемување на килограмите има кај административните службеници, така што 69% од нив изјавиле дека видливо се подебели, откако ја започнале својата професионална кариера.

На второ место се инженерите, од кои 59% ја расипале својата фигура, откако влегле во работни односи. На трето место со 51% се наставниците, лекарите, медицинските сестри и IT професионалците, а на четвртото место со 48% се адвокатите и судиите.

Главната причина за натрупувањето на вишокот килограми е долгото време поминато во седечка положба. Стресот сепак исто така игра клучна улога, така што 35% од учесниците во истражувањето изјавиле дека прибегнуваат кон брза храна кога се под стрес.

Деловните вечери исто така придонесуваат за дебелеењето на вработените, како и постојаните искушенија на работното место како автомати за бонбони и други слични машини за храна, предупредуваат експертите.