Ако внимавате на половината и се наоѓате во САД, досега најверојатно сте почнале да "дишете" алкохолна пареа што стана нова мода во овој дел на светот...

Алкохолните пијалоци не се препорачливи за време на диета, бидејќи содржат премногу калории. Можеби поради тоа дебелите Американци сфатиле како да се опијат за секунди, без да пијат и една чаша алкохол.

Бодерик Алек живее во Тексас. За локалната телевизија тој рече дека откако изгуби 40 килограми почнал да вдишува алкохол наместо да го пие. Само така успева да се ужива во својот омилен пијалок, без да качува вишок килограми.

Научниците тврдат дека овој начин на консумирање на алкохолни пијалоци може да биде премногу опасен, па дури и смртоносен. Алкохолот многу побрзо влегува во крвта, белите дробови и мозокот, без да поминува низ желудникот. Чадот при дозирањето е многу опасен, бидејќи може да делува токсично на нашето тело и на белите дробови.