Организаторите на натпреварот за убавина Мис Универзум Канада се покажаа во многу непријатна ситуација, откако се покажа дека наградената кандидат на конкурсот, била едвај четврта на табелата...

Во соопштението директорот на натпреварот Дениз Давил се извини и го објасни гафот со печатна грешка, направена од неискусни вработен при изготвување на листата за местата. 26-годишната Дениз Гаридо беше крунисана во саботата, но 24 часа подоцна титулата и беше одземена, со што таа ја загуби шансата да учествува на финалето на Мис Универзум.

"Бев шокирана. Го постигнав својот сон и во еден момент ми го одзедоа. Бев многу разочарана, ми го скршија срцето", се пожали оштетената Дениз. Вистинската победничка исто така е 26 години. Риса Сантос ќе ја добие наградата во саботата во Калгари, изјави портпаролот на организаторите.