Скоро секој од нас има ѓезве, но она кое ќе биде понудено на аукција на аукциската куќа "Кристи" се очекува да биде продадено за 6 000 000 долари...

Сребреното рококо ѓезве, кое датира од XVIII век, ќе биде понудено во Лондон на аукција во јули, соопштуваат од аукциската куќа. Богатото украсување е направено во 1738 година во работилницата на "Paul de Lamerie", еден од најголемите филигранисти за своето време.
Бокалот е проценет на 4,5 милиони фунти - 6,7 милиони долари. Ако ја постигне оваа рекордна сума, тоа ќе биде најскапиот англиски предмет продаден, надминувајќи го сегашниот рекорд на продадениот пехар за 2,5 милиони фунти во 2010 година. Бокалот припаѓал на англискиот дипломат Томас Вентуорт.

Бокалот за кафе е со три ногарки, со дрвена резбана рачка. Самиот котел е сребрен, гравиран, украсена со гранчиња од кафе, листови, школки, херувими (ангелски суштества) и лавова глава.