Уникатната играчка е изработена од 18-каратово бело злато и е покриена со над 1.500 прекрасни дијаманти. Таа е заградена со два забележителни обрачи со 188 рубини а за нејзиното создавање било потребно цела година. Божиќната играчка е изработена од 38-годишниот Марк Хасеј, сопственик на 20-годишната семејна бижутерија Hallmark Jewellers.

"Никогаш не сум бил заинтересиран од вредноста на играчката, едноставно сакавме да создадеме нешто особено за Божиќ. Целта ни беше брзо да направиме нешто уникатно. Најскапата играчка досега чинеше 26.874 фунти, па си рековме зошто да не ги надминеме.

Бевме зачудени кога се покажа дека нашата Божиќна играчка чини 82.000 фунти. Ќе биде фантастично ако го пронајдеме вистинскиот човек, кој ќе ја купи. Но ако е сеуште тука на Бадник, со задоволство би ја ставил на нашата елка", изјавил основачот на уникатната играчка.