Британец освои џекпот од 81 милион фунти на лотаријата Евромилиони. Огромниот профит значи дека сега овој човек е четири пати побогат од пејачката Адел. Тој ќе стане 908-тиот најбогат човек во Велика Британија според рангирањето на најбогатите Британци за 2012 година на "Сандеј тајмс"...

Иако профитот на мистериозниот победник не е најголем, заработен некогаш во лотарија, сепак тој го става среќникот на шестото место во рангирањето на збогатените од националната лотарија.

Најголем профит од Евромилиони во Велика Британија и Европа однесоа Крис и Колин Веир од Аиршер кои во 2011 година зедоа 161 милиони фунти. Добитните броеви на лото синоќа беа 34,38,13,08,26, а бројките Среќна ѕвезда - 03 и 11. Портпаролот на лотарија изјави дека идентитетот на победникот ќе биде откриен, само ако тој посака тоа.

Истражување од минатата година покажа дека наместо да прскаат пари за сјајни автомобили, победниците на лотарија почесто купуваат караван стануваат волонтери во добротворна организација, па дури и се враќаат на работа. Наместо да имаат Ферари во гаража, најпопуларниот автомобил меѓу победниците на лотарија е Ауди. Само една третина од победниците ангажирале чистачка или градинар, а најчесто тие избираат да заминат на одмор во САД, наместо да летаат кон поегзотични дестинации, покажува истражувањето на Оксфорд економикс по нарачка на Националната лотарија.