Пиво турнеја, скратено наречена „Питура“ започнала на 25 мај од Сплит, а во Сараево наздравиле за Ден на младоста...
Двајца од Сплит, Тони Павловиќ и Ловро Режиќ тргнале со „Фиќо“ во 3.400 километри долга авантура. Планираат да ги посетат сите пивари од поранешна Југославија, кои произведуваат пиво со името на градот, каде се наоѓаат и нивните фабрики.
- Фиќото е купено за оваа турнеја и ќе го користиме редовно. Во последните три дена добивме десет понуди да го продадеме. Каде и да одиме луѓето се смеат. Мило им е што го гледаат фиќото. Кога ќе видат регистрација од Сплит не им е јасно како стигнавме, еве и овде во Никшиќ или Сараево - ги пренесуваат Сплиќани своите впечатоци од претходните турнеи.
По Никшиќ одат за Пеќ, а ќе ни дојдат и нам во Македонија, поточно во Скопје! Понатаму продолжуваат по „лесковачката пруга“ во Ниш, Заечар и Јагодина.
