Благодарение на големиот број на зафати на кои се одлучила 54-годишната американска пејачка и писателка Cindy, и оваа година заслужено ја освои титулата со најмногу пластични операции. Дотерување на лицето, липосукција и колаген инекции се само некои од зафатите на кои беше подложена. Околу 120.000 евра досега потрошила на разубавување, но тоа и помогнало да влезе во Гинисовата книга на рекорди. "Не бев сигурна дали Гинисовиот рекорд е добра работа, но тоа им се допаѓа на луѓето, па така и на мене", изјавила русокосата Cindy.

Годините како да застанале за Cindy која навистина добро ги ности своите операции и привлекува погледи. Како девојка била просечна, а пријателите ја задевале заради големиот нос, додека убавите зборови ги чувале за нејзините две сестри. За промена на изгледот одлучила откако наполнила 30 години и наследила големо богатство. Прво ги средила очите, а следната операција била пред да и заздрави отокот на лицето по првата операција. Денес со редовни интервенции се грижи за својот изглед и ја одржува убавината. Cindy е среќна и ужива во вниманието што го привлекува.