Дамките на облеката знаат да бидат навистина иритирачки. Токму затоа ќе ви претставиме неколку едноставни совети како лесно да се ослободите од нив...

1.Црно вино
За таквите дамки е потребна сода бикарбона,но че ви послужи и обичната готварска сол, која за уште подобар ефект, можете да ја користите во комбинација со минерална вода, со задолжително дополнително перење во машани за перење алишта. Исто така, оцетот може достојно да ги замени средствата за чистење.

2.Чоколадо
Прво, задолжително причекајте дамката добро да се исуши, а потоа отстранете ја со сунѓер или нож. На остатокот од дамката нанесете мешавина од течен сапун или детергент и вода. Додатен трик е да ја натопите дамката во топло млеко.

3.Мастило
Од дамките од мастило ќе се ослободите ако ги натопите во млако млеко, но и со помош на спреј за коса, па дури и паста за заба и обичен сунѓер.

4.Крв
И за отстранување на дамките од крв постојат неколку начини. Првиот е дамката да се натопи во многу солена ладна вода. За другиот начин ви е потребен сунѓер и пена за бричење. Исто така, смеса од вода и амонијак кој ќе го оставите да делува 20-тина минути, може да биде многу ефикасно. Дали знаевте дека за тоа може да ви помогне и Кока Кола?

5.Кафе
Дамките од кафе се отстрануваат колку што е можно побргу, а за тоа ќе ви послужи мешавина од жолчка и глицерин, алкохол и бел вински оцет, сунѓер натопен во обичен детергент за миење садови или ладно млеко.

6.Кармин за усни
Во голем број случаи медицинскиот алкохол ќе даде добри резултати, ако лесно го тапкате со прсти  на местото на дамката, од рабовите кон средината. Лакот за коса и течниот детергент можат исто така да ви бидат од помош.