Два дињи од сортата "канталуп" биле продадени на аукција во Јапонија за 1,6 милиони јени (15 730 долари), една од највисоките стапки платени некогаш за исклучително вкусниот портокалов плод...
Локален продавач на овошје на големо ги купил 3.7 килограми тешките дињи од градот Јубари на аукција на луксузно овошје и зеленчук, која се одржа на првиот ден од сезоната на престижните дињи. Ова е трета највисока цена во историјата, платена за луксузната сорта дињи, што е еквивалентно на цената на мал автомобил.
Во Јапонија, каде што едно јаболко може да чини повеќе од 5 долари, а пакет од 20 цреши се продава за над 100 долари, клиенти се навикнати да плаќаат високи цени за плодовите. Но неверојатни цени, платени на Централниот пазар за големопродажба во Сапоро, во северната префектура Хокаидо, ја одразуваат желбата на купувачите за престиж.
Лубениците од ЈУбари се сметаат за симбол на статусот во Јапонија, слично на рафинирани вина, така што многу купувачи ги подаруваат на пријатели и колеги. Во 2008 година две дињи беа продадени на аукција за 2,5 милиони јени.
