Ник Вујичиќ, мотиватор познат во светски рамки, го посетил комунистички Виетнам за да пренесе неговата порака...

„Знаеш ли зошто јас го љубам Бога?“, го прашал Вујичиќ девојчето родено без раце и нозе како него. „Затоа што постои Рајот. Еден ден, кога ќе одиме во рајот ќе имаме раце и нозе, и ќе трчаме, и ќе си играме, и ќе се тркаме“, и рекол Вујичиќ, а пренесува АП.

Оваа порака била повикување на неговата вера, во говор пред 25.000 гледачи во публиката на стадионот, кои повеќето не се христијани како него. Неговиот говор го проследиле и од дома милиони други Виетнамци.

Изгледа дека со појавувањето на Вујичиќ во Виетнам е знак дека локалните власти толерираат друга вера кај нив и не ја третираат како закана за нивната авторитарна власт. Исто така, неговиот настап од ваков вид е најголем, одржат од странец, во поновата историја на Виетнам.

Ник е роден без раце и нозе, а преку неговите мотивациони говори му порачува на цел свет дека треба да се научиме да се носиме со нашите недостатоци и да живееме нормален живот.