Народното верување вели дека во куќа со бебе не смее да има мачка. Се смета дека животното може "да му го украде здивот" на новороденчето или пак да го задуши кога ќе легне врз него...

Неспорно присуството на домашно милениче дома е уште една причина да бидете внимателни со бебињата и малите деца. Но тоа сигурно не е повод да го истерате мачето на улица.

Зошто мачето сака да спие до бебето?

Сите животни сакаат топлината - особено мачките. Затоа тие се обидуваат да легнат до малото дете кое е со повисока телесна температура од возрасните. Се разбира, ако станува збор за новороденче и не сакате тоа да се случува може да наметнете ограничувања пред мачката, но во никој случај тоа не треба да биде грубо и со насилно.

Направете нејзино катче во кое ќе може да спие и да се чувствува опуштено - со меко ќебе или перница, во близина на грејни тела. Кога детето спие, обрнете внимание на миленичето - сега е време да го погалите и да поиграте со него.